🌹 *कुठल्या स्तरात आहे ?* 🌹
                       *- महेश मोरे (स्वच्छंदी)*


नजरेमध्ये तिच्या की माझ्या मनात आहे ?
विरहामधील वादळ कुठल्या स्तरात आहे ?


गीता कुराण वाचा वा बायबल तपासा
सद्धर्म माणसाचा सांगा कशात आहे ?

राहील तोवरी 'ती' हृदयात ठाण मांडत
जोवर तुझ्या नि माझ्या तोंडात जात आहे

ठरवून ईश्वराने केली असेल रचना
हा देह मोकळा अन् मन पिंजऱ्यात आहे

लाथाडली सुखे अन् दु:खांस वाह म्हटला
तो सावलीत होता.....आता उन्हात आहे