🌹 निश्चित 🌹
            - महेश मोरे (स्वच्छंदी)

प्रेम असतो 'आंधळा आजार' हे निश्चित
वेळ आल्यावर तुला होणार हे निश्चित

मस्त सजवा अन् कितीही अत्तरे लावा
देह सरणावर गड्या जळणार हे निश्चित

मानता अस्तित्व येते ह्या मनाचे पण
सांगता येतो कुठे आकार हे निश्चित

फार हसते ती गड्यांनो आज माझ्यावर
मी न दिसलो तर उद्या रडणार हे निश्चित

माहिती नाही मिळाले काय रामाला
रावणाचा जाहला उद्धार हे निश्चित

जे तुझे नाही तुला मिळणार नाही पण
जे तुला मिळणार ते मिळणार हे निश्चित

एकदा केला जरी सत्कार माझा तू
राहतो आयुष्यभर उपकार हे निश्चित