🌹 *ये भेटाया* 🌹
             *- महेश मोरे (स्वच्छंदी)*

निरोप द्याया...म्हणून ये पण ये भेटाया
मला छळाया...म्हणून ये पण ये भेटाया

कळेल सगळ्या जगास 'भलतेसलते' अपुले
नको कळाया...म्हणून ये पण ये भेटाया

जमेल तितके लिहून गेलो आयुष्यावर
मरण लिहाया...म्हणून ये पण ये भेटाया

असेल बाकी तुला दिलेल्या वचनांची तर
हिशोब घ्याया...म्हणून ये पण ये भेटाया

भल्या पहाटे मिठीत दु:खे भिजली होती
तसे भिजाया...म्हणून ये पण ये भेटाया