🌹 *जिंदगी तिळगूळ झाली* 🌹
                     *- महेश मोरे (स्वच्छंदी)*


तीळ झाली, गूळ झाली, जिंदगी तिळगूळ झाली
घेतले आकार सगळे....शेवटी वर्तूळ झाली


गोड होतो पक्व आंबा...तेवढी ती गोड झाली
चिंच झाली,बोर झाली, मग जरा जांभूळ झाली

हारली युद्धात याचे वाटले वाईट नाही
वाटले याचेच..नंतर माणसे गांडूळ झाली

सागराला भेटण्याआधी नदी ही शांत होती
गाज 'त्याची' ऐकली मग नेमकी व्याकूळ झाली

काळजाला वेदनांच्या वाळवीने स्पर्श केला
काळजामधली व्यथा मग वाढली..वारूळ झाली