💓 *अन् पावसाची एक सर* 💓
                *- महेश मोरे (स्वच्छंदी)*


आठवांचे वाळवण अन् पावसाची एक सर
तो जुना एकेक क्षण अन् पावसाची एक सर


काळ सरला केवढा पण आजही छळते मला
'ती'....तिची 'ती' आठवण अन् पावसाची एक सर

मी खुबीने लपविली होती जखम हृदयामध्ये
वर गुलाबी आवरण अन् पावसाची एक सर

ते तिच्या-माझ्यातले संदर्भ होते वेगळे
वेगळे वातावरण अन् पावसाची एक सर

दोन गोष्टी कालच्याइतक्याच ओल्या आजही
काळजाच्या आत व्रण अन् पावसाची एक सर