🌹 ...नाही का ? 🌹
                                    - महेश मोरे (स्वच्छंदी)


'ती' गेल्यावर आयुष्याची होळी होते........नाही का ? 
आठवणींनी रोज पापणी ओली होते........नाही का ?



प्रवाहासवे वाहत असता केवळ संशय आल्याने
दिशाहीन ह्या संसाराची होडी होते.........नाही का ?

शेर जगाला आवडणारा लिहायचाच तर दु:खांशी
मैत्री जितकी कराल तितकी थोडी होते .....नाही का ?

पाण्यामध्ये तितके सावध मासेसुद्धा नव्हते रे 
काठावरती तयार जितके कोळी होते ........नाही का ?

मुलगी होते, बहीण होते, पत्नी, आई, आज्जीही
दु:खे सोसत मुलगी लवकर मोठी होते ........नाही का ?